బాష సరళం; భావం ఉదృతం; ధార అనువద్యం; సందేశం అలోచనాత్మకం. నా ఎరుకలో ఇటువంటి శతకం లేదు. నరసింహారెడ్డి గారికి ఉత్తమ సాహిత్యానికి, శతక పద్యానికి ఈ పుస్తకం చిరునామా గా నిలబడగలదనడం లో ఏ విధమైన సందేహం లేదు.

మాయ మాటల హామీల మర్మ మెరిగి గుర్తు లేకుండా ఓట్లేట్ల గుద్దుతావు ? ఓరి ఎంకన్న ! దోస్తుగా ! ఒర్లుబోతు ! ఒక్క మాటన్న వినవార ! తిక్కలోడ ! అన్న ముక్తాయింపును అచ్చమైన తెలంగాణా మాండలికంలో పలికించడమే ఈ శతకం ప్రత్యేకత.

అచ్చమైన తెలంగాణ యాసలో, వ్యావహారిక బాషలో నిత్య వ్యవహారంలోని పదాలతో స్వార్ధపూరిత రాజకీయ నాయకుల మాయ మాటలను నమ్మి వారి బూటకపు వలలో చిక్కిన ప్రజలను మీలుకోలపడానికి చేసిన కవితా ప్రయాణం చాలా బాగుంది.

మీ పంచతంత్రాలు ఒకప్పుడు దేవి ప్రియ రాసిన గరీబు గీతాలను గుర్తుకు తెస్తున్నాయి. మీ కవితలు సమాజ పోకడకు దర్పణాలు

జర్ర వినువంచు రచియించి జగతికొసగే !
దివ్య నరసింహ రెడ్డియౌ భవ్యుడతడు !
పద్య రచనలో కొంగ్రొత్త పధము నడిచె,
సిత్తరమ్మగు పద్యాలు చెలువమెలికే !!

వచన కవిత్వం లో కంటే పద్యం విసుర్ల ద్వారా పాఠకులకు ఉత్తేజితుల్ని చేయగలనని విశ్వసించడం అయన నమ్మకం.

ప్రాచీన కవులలో సీస పద్యానికి శ్రీనాధ మహాకవి పెట్టింది పేరు. ఆధునికులలో ఈ ప్రకియలో రాస్తున్న అరుదైన కవులలో నరసన్న అతి ముఖ్యుడు.

పాడుకోవడానికి వీలైన సీస పద్య ప్రక్రియ లో కొత్త వస్తువును ఎంచుకొన్నారు. సృజనకు శాస్వ తత్వాన్ని ఆపాదించారు. నాలుగు పాదాల మకుటం ప్రత్యెక ఆకర్షణ

నేటి కుళ్ళు రాజకీయాలను ప్రక్షాళన చేయాలనే ఏనుగు నరసింహారావు గారి తపన ప్రతీ కవితలో ఒక ఆవేదన రూపం లో కనిపిస్తుంది

ఈ జగత్తు, జీవితం, మనిషి అంతరంగం – ఇవన్నీ ప్రశ్నలతో నిండినవి. ఆ ప్రశ్నలకు సమాధానాలను కవిత్వ భాషలో, ముఖ్యంగా రుబాయి వంటి సంక్షిప్త ఛందస్సులో చెప్పడం సాహిత్యపరంగా గొప్ప సవాలు. ఆ సవాలును సమర్థంగా ఎదుర్కొన్న రచనగా డా. ఏనుగు నరసింహారెడ్డి గారి “తెలంగాణ రుబాయిలు” నిలుస్తుంది.